Uiteindelik kan ek die nuusbrief
gestuur kry..... Die sein waar ons
vakansie hou in Sodwana is nie altyd
lekker nie, maar nou ja hier is dit
nou (as die sein hou........) Gaan
dit goed? Ek kla verseker nie, want
ek het baie lekker vakansie gehou (daar
is nog ‘n paar dae oor.......) en ek
sien uit na die nuwe jaar se shows
en nuwe album wat in April op die
rak sal wees!
Sion word so groot!
Hy is ‘n bulletjie en ons hele gesin
se kroonprins. Ek het dit so geniet
om tyd met hom en Annatjie te
spandeer hierdie vakansie. Hulle was
ook die hele Desember saam met my op
die pad toe ons getoer en dit was
rerig vir my lekker om my gesin by
my te hê terwyl ek getoer het! Nie
altyd maklik vir hulle nie, maar
baie lekker om hulle by my te hê.
Ons was so twee gelede by Arno en
Lizanie Jordaan se troue en ek het
lanklaas so ‘n mooi troue bygewoon (behalwe
my eie troue wat vir my die
lekkerste was.........!). Ek wens
vir Arrie en Lizanie net die
moooiste toe en kan maar net vir
hulle sê dat dit baie lekker is om
getroud te wees. Ek love vrou en
kind!!!!
As ek die week terugkom gaan ek
en my band bymekaar kom en ons show
bespreek vir 2012!
Ons gaan ‘n hele paar nuwe dinge in
die show inbring en ek hoop julle
gaan dit geniet. Ons gaan net eers
moet rehearse om al hierdie nuwe
songs onder die knie te kry, maar
ons sien uit! Ek wonder of julle
dalk bietjie idees kan gee. Watter
liedjies, behalwe die op my cd, sal
julle graag op my show wil hoor?
Julle kan op my gasteboek julle
voorstelle gaan los. Ek sal graag
wil sien wat julle voorstel. Asb!
Ek sien KAN EK MET JOU PRAAT doen
goed op Jacaranda 94.2.
Ek is baie bly daaroor, want die
song is baie spesiaal vir my. As
julle wil, kan julle op Jacaranda se
website gaan stem vir die liedjie.
Hier is die voting link – click net
op die link en dan kom jy direk by
die voting bladsy uit.
http://www.jacarandafm.com/kagiso/content/en/jacaranda/jacaranda-top-20
Ek wil julle graag vertel van die
show wat ek en my orkes, Karlien en
haar musikante asook Karen Ferreira
gaan doen op 18 Februarie in
Ellisras.
Hierdie konsert is ten bate van
Pippie Kruger wat baie lelik
verbrand het. Sy gaan nog vir lank
in die hospitaal wees en haar ouers
is onkostes is baie hoog. Ons wil
probeer om minstens R50,000-00
bymekaar te maak met die konsert om
by te dra vir Pippie se mediese
onkostes. Ek wil julle baie, baie
mooi vra om hierdie konsert te
ondersteun. As julle in Ellisras of
naby Ellisras bly, ASSEBLIEF, kom na
hierdie show toe. Ek vra julle baie
mooi. As julle kaartjies wil koop
bel hierdie twee nommers -
0723409016
/
0719079908.
Bel sommer dadelik vir kaartjies asb
julle.
Daar is baie mense wat vra oor
die Israel toer wat ek in Junie gaan
doen.
Ek is baie opgewonde oor die toer,
want Annatjie en Sion gaan hierdie
keer saam...... Ons sien BAIE uit!
Die toer is van 24 Junie tot 6
Julie. As julle saam met ons wil
gaan toer, stuur net ‘n email aan
Hebrew People
info@hebrewpeople.com of
friends@hebrewpeople.com -
Chanelle sal dan vir julle al die
info van die toer kan gee. Julle kan
ook op my website -
CLICK HIER
- gaan kyk vir info oor die toer. Dit
is `n fantastiese ervaring om Israel
te toer. Ek gaan nou vir my 3de keer!!!
Daar is ietsie wat my pla en ek sal
nogal graag julle opinie wil hoor.
Daar word onsettend baie media
dekking gegee aan die feit dat die
renosters so uitgemoor word vir
hulle horings. Dit is op facebook,
twitter, email, TV, koerante, radio,
ens. Verstaan my asb baie, baie mooi.
Dit is onsettend belangrik dat daar
soveel aandag hieraan gegee word en
ek steun dit absoluut 100%. Al wat
my egter pla is die feit dat
dieselfde effort nie ingesit word om
plaasmoorde te voorkom nie. Mense,
dit maak nie vir my sin nie. Dit pla
my onsettend baie. Daar is elke dag
berigte van mense wat op plase (dorpe
en stede ook) vermoor word, maar
daar nie naastenby soveel aandag
daaraan gegee soos aan die renoster
stropery nie. Hoekom nie? Pla dit
nie ook vir julle nie? Moet daar net
soveel aandag ook hieraan gegee word
nie? Wat is julle siening
hieromtrent? Laat weet bietjie op
die
gasteboek wat julle hiervan dink
asb.
Op ‘n ligter noot – ons hond, Bella
het 4 kleintjies gekry in die tyd
wat ons in Sodwana was
(nog steeds
is) en ons kan eintlik nie wag om
hulle te sien nie. My ma en Cara
moes Bella bystaan in die
kraamproses terwyl Annatjie die hele
tyd met hulle op die foon was om te
hoor hoe hierdie kraam proses
verloop het........ Ons sien hulle
darem Woensdag. Ons hoop net Baboo,
Karlien, se hond is die pa van die
kleintjies, anders weet ons nie
watse hondjies is nie. Bella en
Baboo is Wirehair terriors. Ons sal
maar moet wag en sien........
Amper vergeet ek.............
Ek is
genomineer as Gewildste Fiesta
Aanbieder.
As julle wil, kan julle
‘n sms stuur om vir my te stem. Dis
maklik. Jy sms net
A2
na
33690.
Blykbaar kan jy soveel sms’e as wat
jy wil. Ek sal dit waardeer as julle
dalk ‘n sms kan stuur. Asseblief en
baie dankie!!!!
Ek sal my miskien in my volgende
nuusbrief vir julle bietjie meer kan
vertel oor
‘n nuwe Afrikaanse fliek
waarin ek en Karlien gaan speel.....
Ongelukkig mag ek nie nou meer
hieroor sê, maar ek kan julle
verseker. Dit is ‘n vrek mooi storie.
Ek kan eintlik nie wag om julle meer
hiervan te vertel nie.
Ek sien ook baie uit na die
produksie wat ek saam met Nataniel
gaan doen.
Ek het groot respek vir
Nataniel se talent en dit is vir my
‘n hengse groot voorreg om ‘n
produksie saam met hom te kan doen.
Die shows gebeur alles in April en
ek sal die plekke en datums vir
julle gee in my volgende nuusbrief.
Nou ja, ons gesels weer einde
Februarie.
Soos altyd – baie dankie
vir julle ondersteuning. Ek waardeer
dit meer as wat woorde kan beskryf.
Ek bedoel dit. Julle is spesiaal.
My vers vir julle vir Februarie – Ps
118:9Dit is beter om by die Here te
skuil as om op edeles te vertrou.