|
Hallo Julle!!!
Hoe gaan dit? Dit moet goed gaan,
want die dae is warmer en dit
beteken die somer is aan die kom...........
Ek is vrek opgewonde waar ek nou
hier sit en tik.......... Ons
het uiteindelik my sussie Karlien
(Cara sing nog nie........) se cd in
ons hande!!! Ek kon nie wag om die
cd te luister nie en ek kan vir
julle een ding verseker. Dis baie,
baie beter en groter as wat enigeen
van ons verwag het. Hierdie is ‘n
great cd. Die songs is absoluut
briljant!! Julle moet baie vinnig by
die winkels uitkom en haar cd koop.
Arno Jordaan het laat weet dat hy
gisteraand haar album by Look &
Listen in Pretoria gekoop het. (En
hy is ook baie opgewonde oor haar
album!) Dit beteken die cd is reeds
op die winkelrakke. Ek is rerig bly
vir Karlien oor die album. Ek weet
dit gaan baie goed doen!
O ja, voor ek vergeet. Julle moet
sommer nou al registreer vir Karlien
se nuusbrief.
Kliek sommer net hier vir Karlien
van Jaarsveld Nuusbrief Registrasie.
Jy sal dan Maandag of Dinsdag
Karlien se eerste nuusbrief kry en
glo my – sy skryf baie lekker briewe
– julle gaan haar briewe vrek baie
geniet! Registreer sommer vandag nog
sodat jy nou nie uitmis op haar 1ste
nuusbrief nie........... Karlien se
website adres is
www.karlienvanjaarsveld.co.za.
Dan is daar nog ‘n rede waarom ek
baie opgewonde is. Ek het
Dinsdagaand twee Tempo Toekennings
gewen!!!!!! Beste Pop Album en
Gewildste Liedjie. Wat ‘n voorreg.
Ek weet dat dit nooit sou gebeur het
as julle nie vir my gestem het nie.
Daarom wil ek vir elkeen van julle
wat ‘n sms of baie sms’e gestuur het
- baie, baie dankie sê. Baie, baie,
baie dankie. Ek waardeer dit rerig
meer as wat enige woorde dit kan
beskryf. Ek is beslis bevoorreg om
julle as ondersteuners te kan hê.
Nogmaals dankie aan elkeen van julle!!!!
Nou ja, laat ek vertel van
Amerika. Dit was great! Ek het
elke oomblik geniet. Die eerste 4
dae was ons by die Overtone ouens in
Los Angeles. Ek het baie lekker saam
met hulle gekuier. Clint en Dinah
Eastwood was in Hawaii toe ek by die
Overtone ouens gekuier het. Ek het
hulle toe nie ontmoet nie, maar
lekker in hulle huis gebly. Terwyl
ek daar was het ek vir Angelina
Jolie in ‘n swart Range Rover sien
ry........... Sy het by die bank
gestop. Dit was so weird om iemand
so bekend te sien..........
Hollywood is maar plastic. Ek sal
nie sommer daar kan bly nie.
Nashville is ‘n ander saak! Dit is
‘n wonderlike stad. Die mense is
baie, baie vriendelike. Die strate
is silwer skoon. Ons het die eerste
paar dae in ‘n hotel gebly en die
laaste 4 dae by Michael W. Smith in
die huis. Wat ‘n voorreg!!!!!!!
Hulle is ‘n fantastiese gesin. Baie,
baie gasvry. Sy vrou het ons baie
bederf met lekker kos. Ek het vir
hulle Vuvuzella’s saamgevat en hulle
het hard probeer om dit te blaas!
Dit was baie snaaks. Ek was
bevoorreg om saam met Michael
ateljee toe te gaan om die master
van sy nuwe album te gaan haal en
ons het daarna geluister. Dit is
briljant! Ek het een van my nuwe
Gospel liedjies, Yeshua, vir hom
gegee om te luister en hy was baie
beindruk. Ek het ‘n copy van die
liedjie by hom gelos. Sal maar sien
wat gebeur............... Ons het
vergaderings gehad met Sony BMG en
Warner Brothers. Baie goeie
vergaderings......... Ek wil so
graag meer vertel, maar ek mag nie
nou al nie. Hou maar die spasie dop
vir meer info later............ Die
Amerika fotos sal teen Maandag op
die website wees. Onthou om te gaan
kyk. Julle sal daar sien hoe lekker
dit vir ons was!
Ek moet julle vertel wat het nou
die aand gebeur. Die aand nadat
ek van Amerika af geland
het......... Ek was maar lekker moeg
na die vlug en het die volgende dag
vinnig moes pak vir die aand se show
in Nelspruit. Toe ek wil aantrek net
voor die vertoning begin, toe sien
ek dat ek twee verskillende soorte
swart skoene ingepak het!!!! ‘n
Blinkleer skoen met ‘n skerp punt en
dowwe swart skoen met ‘n vierkantige
voorkant...... Lyk nie eens
naastenby dieselfde nie. Die
uiteinde – ek moes so op die verhoog
klim...... Die mense in die eerste
ry het dit agtergekom, maar nie die
res van die mense nie. Aan die einde
van die show toe wys ek maar vir
almal my onpaar skoene. Dit was die
eerste keer dat daar meer fotos van
my voete geneem is as van my gesig................
Nou ja, ek moet afsluit want ek is
weer oppad............ Onthou om te
registreer vir Karlien se nuusbrief
en gaan koop so gou jy kan haar cd.
Die naam van die cd is AS DIE GORDYN
VAL.
Die naweek is om die draai. More-aand
is ek en die band in Marblehall en
Vrydag in Richardsbaai! Ons sien uit.............
Blessings!
Bobby
|